《蘋果》馬經動新聞精心炮製的《水圍與巴黎》，第一集同大家見面喇！
家住大西北嘅天水圍首席馬評家阿秋，近日最關注嘅馬圈話題，梗係即將喺周日（18日）上演嘅香港打吡大賽。
阿秋就話屆時有靚人、靚馬，記得要入沙田馬場睇，而且預期三大打吡主角「星洲司令」、「時時精綵」、「當家精選」埋身肉搏，戰況一定好精彩。
至於《水圍與巴黎》另一主持、練馬師告達理新抱Paris，就話除咗睇馬外，亦期待喺現場一睹「打吡大使」甄子丹嘅風采。
靚女多數撐靚仔，Paris嘅打吡心水係「星洲司令」，佢希望年輕高佻嘅小鮮肉騎師史卓豐，能夠贏得呢項大賽，而自己亦會為佢落力打氣。