網上流傳一條8秒長短片，片段一開始由酒店天台垂直下望，畏高嘅人應該已經腳仔軟；隨後鏡頭向上移，只見有個着住性感泳裝女子，一頭長髮隨風飄逸，神情輕鬆寫意。不過原來佢兩腳輕擺，仲要伸出天台外面，對落已經係相隔30幾層嘅地面，真係睇見都牙煙。
呢間位於天后威菲路道嘅Twenty One Whitfield酒店，客房坐擁維港景觀，雖然唔係對到正，但寬大嘅玻璃外望就係側眺銅鑼灣、灣仔同尖沙嘴沿岸嘅城市景觀，據聞已經成為鄰近地區網絡紅人嘅熱門下榻酒店之一，拍片有維港做背景，一望就知嚟咗香港度假啦！不過咁高拍片睇落幾危險，不過今時今日要呃到like，唔係好似呢個女仔咁向高難度挑戰，又真係難吸引到網民like嘅！