港台節目「視點31」之前喺facebook專頁上載有關中共修憲訪問，帖文仲標註「習帝永續？」同「我真係佩服你」字眼，被指有辱國家領導人，港台事後刪去字眼。
質疑商經局干涉
噚日立法會內委會，毛孟靜就要求就商務及經濟發展局涉嫌干預香港電台編輯自主，提出急切口頭質詢，最終當然係因為建制派護航下，被否決喇。
Miss Mo話，由上而下要求修改係唔可以發生，質疑當日係由商經局「落order」干涉編輯自主，令人非常不安。建制派當然係反對喇，工聯會陸頌雄話，Miss Mo唔尊重排咗隊提出口頭質詢嘅議員；內會主席李慧琼亦都話，議員可以喺自己口頭質詢時段提出。
建議最後因為建制反對下被否決，Miss Mo就大鬧建制派係任由溫水煮蛙，亦都唔敢討論由上而下落order嘅問題。