張智霖（Chilam）與老婆袁詠儀（靚靚）、邱淑貞（豆斗）夫婦、呂良偉、關之琳、任達華及劉嘉玲等，昨日在灣仔出席傑出領袖選舉頒獎禮。Chilam夫婦接受訪問時講到誰是家中領袖時，靚靚說：「一睇就知係我老公，佢最鍾意做領袖，雖然佢扮到唔係，但實際係，假民主，佢仲話老公係唔會有錯。」Chilam笑言：「囝囝係天蠍座，好有魅力，係指揮我哋做嘢，例如叫我陪佢踩滑板同食嘢，我係做物流，負責車出車入。」
豆斗透露新年去了美國玩，在家中丈夫沈嘉偉是領袖：「幾個女都聽晒佢話，不過幾個女都好乖。」豆斗主動提起大女沈月，表示囡囡不想入娛樂圈，希望可以給她多點私人空間：「佢有時都唔開心，返學又俾人跟住，放學同爹哋又畀人影晒。之前有放Ig同微博，因為咁都停晒。」
另外，劉嘉玲在日本滑雪時碰到陳奕迅夫婦，講到王菲跟霆鋒一齊唱卡拉OK，她表示私人聚會都有唱歌。但最尾會變成王菲或者張學友演唱會，可以有免費表演欣賞。
採訪：羅慧敏
攝影：陳俊強