2015年，日本新幹線為紀念山陽線開線40周年，推出了「500 TYPE EVA」列車企劃，可能唔少《新世紀福音戰士》粉絲都飛過過日本乘搭朝聖。不過早前官方公佈EVA列車將於今年5月13日正式停駛，於是好多人就開始估之後會唔會再有新款動漫列車登場行走呢？
答案係有嘅！新幹線官方剛剛公布，下一款「別注版」500系列車嘅主角，竟然係Hello Kitty！列車將於今年夏季開始運行，暫定首先運行鳥取縣同島根縣路線，官方更加設計埋呢兩個縣嘅地域限定Hello Kitty做吉祥物。睇見呢架用粉紅色做主調、兼夾畫晒蝴碟結嘅新幹線，一眾動漫男fans可能會有啲失望，之但係你哋嘅女友話唔定會捉你哋去搭一搭呢，一樣有個藉口飛日本箒，打和啦，Super！
文：陳兆奇
全新旅遊專頁，即like籽想旅行： https://fb.com/travel.appleseed
