禮拜日（18日）田草賽事用全闊A跑道，睇番最近2月18日同一移欄賽事，放頭馬無一能勝，僅兩駒入位而已，反而居中後上馬絕對唔蝕底。
當日分別有「開心美麗」（呂健威馬房）、「開懷大少」（文家良馬房）、「銀紙」（苗禮德馬房）、「有理共想」（高伯新馬房）及「精明才子」（羅富全馬房）等從中後位置衝上贏馬，故此靠後勁食糊馬不妨優先留意。
今戰列陣馬當中，第七場「有理共想」兩次出賽均跑田A欄且獲一冠一季，贏完再等番同一移欄再跑，睇部署有心想添食。
另外，頭場「紅麗舍」（文家良馬房）三次跑田A欄均非冠即亞，成績理想，後追馬今次跑番強項可望重開勝門。