羅范鐵嘴雞講中：香港政府，嚟真的！
十三萬投給區諾軒的票還未冷，法庭就毫無道理接納「午餐肉」入稟。政治問題，法院解決。DQ由羅冠聰議員開始，到周庭補選，被選舉主任落閘，到區諾軒遭入稟，一而再再而三DQ，港島會被親帝派打沉成福島！生人難近，民主遠離，島民還吃花生，不胃痛嗎？
選民對參選人認識不深，不用含淚，上網一查一目了然。這種常識，九西選民不懂嗎？電台聽眾馬後炮數臭姚教授，最大罪狀竟是：a我住又一村，無見你來過！b公公婆婆唔識你，咪投第二個咯（問題係公公婆婆識鄭公子條鐵咩）！c你睇唔起傳統泛民，得失馮檢基，有佢泊住你拉票點止贏二千幾票呀！d離棄了建測界選民！其他罪名還有：手寫「重奪」紙牌，醜樣到死！信晒朱凱迪那一套，睇死你輸！網上文宣勁有鬼用，深水埗基層唔buy！勞嘈的西九選民放過姚松炎教授吧！萬一區諾軒成為第三個被DQ的，建議姚教授來港島補選，免港島淪為福島的13萬+選民，挑起條筋，勢必以人肉票城，大反擊！
贏一起贏，輸就要姚教授一個揹鑊切腹？勁揪的香港人，硬淨些，好嗎？