現年36歲嘅韓國女星孫藝珍，近日正忙於拍攝新劇《經常請吃飯的漂亮姐姐》，跟29歲上位男星丁海寅上演姊弟戀。不過現實生活中，孫藝珍就甚少傳出戀情，日前佢接受韓媒訪問時，就大談戀愛話題。
被問到甚少戀愛新聞及緋聞時，孫藝珍表示：「原因好簡單，因為我搵唔到戀愛對象。想戀愛嘅話，我要出去見好多人，去見朋友介紹嘅男人，但事實並唔係咁容易，年紀越大就越難，我依家等待合適嘅人出現喺我眼前。」
問到對於戀愛，孫藝珍係唔係比較唔積極時，佢回答：「三字頭初期時，我確實有想要戀愛嘅慾望，但依家幾乎冇呢種慾望，應該係跟拼命工作而冇時間有關。」