【本報訊】民建聯和民主派昨分別約見財政司司長陳茂波討論財政預算案，其中民建聯未再提及補選前促直接派錢建議，又指不會因陳不接受該黨建議而投票否定預算案。民主派則力促陳茂波派錢，民主派會議召集人莫乃光批評民建聯未有站在巿民一方，「唔願意用手上嘅票去反對政府一啲唔好嘅施政，令政府改變個政策，佢哋只識跟（政府）」，稱泛民對預算案傾向不收貨。
民建聯未再要求派錢
民建聯昨提出4項加碼措施，包括放寬關愛基金申請資格及資助範圍、為公屋住戶代繳租金、提供電費補貼，以及寬免大專學生的專上課程學生資助計劃經審查貸款還款額。會後被問到政府若對上述4項建議都不採納，該黨會否就預算案投反對票時，陳克勤即指4個要求「都唔係新嘢，之前已經講過」，指現時講投票立場言之尚早，「但我會覺得，如果你話對預算案係否決咗嘅話呢，其實𠵱家現有一啲受惠預算案嘅人士，佢哋可能未能分享𠵱家經濟嘅成果，咁唔能夠因為財爺接唔接納我哋某一兩點方案，就去全面否定呢個預算案」。
問及為何未有再要求直接派錢時，陳只稱即使泛民政黨中，對全面派錢都有不同意見，現時認為透過關愛基金用簡單方法給低收入人士津貼，「呢個方向係值得支持」。
民主派多名議員亦與陳茂波會面約半小時，莫乃光會後指民主派基本立場都是支持或不反對政府用派錢方法，令到社會需要人士得到支援，指民主派現時對預算案的取態是「好傾向唔收貨」。
與會的毛孟靜稱會上要求陳茂波派錢還富於民，「如果佢（陳）派一萬蚊覺得太多，5折都殺，當然佢嘅姿態好清楚，話唔符合佢所收到嘅指導思想，所以恕難從命」，批評陳對派錢意見置若罔聞。
■記者林俊謙