中環在線:賣護膚品要賣埋餅? - 李華華

中環在線:賣護膚品要賣埋餅? - 李華華

啲人成日話女人錢易賺,其實都唔係咁易。韓國護膚品牌Laneige一向受女仔歡迎,不過,女人好容易變心,所以公司marketing成日絞盡腦汁,希望留住班舊客之餘又吸多啲年輕新客。Laneige最近就喺旺角朗豪坊搞咗個pop up store,唔係主打護膚品,而係甜品。

所有甜品均一價35蚊,女人brand涉足飲食界已經唔係新聞,今次過癮嘅係食完cake,可以獲贈35蚊Laneige現金券一張。咁咪即係變相免費食?Amorepacific Hong Kong市務總監鄭載歡(Jeff)話,收益要嚟做善事,又可以多啲後生仔認識Laneige,年輕人鍾意購物體驗,marketing係要多下功夫。

李華華

甜品造型好有少女feel。晉平安攝