最近皇家馬德里鋒將基斯坦奴朗拿度（C朗）狀態大勇，進入2018年後，已經各項賽事已經入咗17球。搏得咁盡，都要休息吓去玩嘅，所以C朗就把握皇馬難得假期，同愛人佐真娜上雪山，過咗浪漫嘅一日。C朗同佐真娜兩個就上咗個好靚嘅雪山，兩人當然仲有合吓照咁喇。之後就同另外一對夫婦一齊玩呢個雪地電單車，遊覽吓雪山上嘅美景，C朗嫂仲將C朗駕駛雪地電單車嘅英姿上載到ig story。跟住兩人仲搵咗間靚cafe嘆杯靚啡，情不自禁咁kiss（圖）咗吓。最後兩人仲浸水池，C朗更將相up上ig，未夠一日已經呃咗400萬個like。放完假，記得要努力入波呀！