有份開創「Happy School」潮流嘅浸信會天虹小學校長朱子穎早前宣佈辭職，噚日公佈新動向，9月過檔私立嘅德萃學校做總校長。朱子穎由津校跳槽入私校，強調唔係忘記咗公營體系，而係想透過開發教育科技創新、數據同人工智能等，解決長遠嘅教育難題，目前喺公營學校恐怕好難做到。睇番資料，德萃小學學費都要6.8萬一年㗎。
朱子穎噚日見傳媒公佈發展大計，透露𠵱家開發緊「EdMetro」嘅App，會利用人工智能及大數據，為學生度身訂做學習路線，德萃會率先全面應用，目標係兩年後縮減每日學術課節至4堂，已足夠涵蓋小學生應要學嘅內容，順便釋放空間畀師生溝通。朱子穎話個App唔會係德萃學生獨享，會免費畀全港學生用，期望2019年初推出試用版。