古天樂前晚以新任演藝人協會會長身份，出席在尖沙嘴舉行的香港電影工作者總會春茗，其間被「突襲」要大開金口唱歌。雖然古仔一臉無奈，但見大家情緒高漲，亦表現風度唱了幾句自己18年前的舊歌《男朋友》。
王梓軒擊掌失敗
有份「突襲」古仔的包括王梓軒和J.Arie等，眾人又揮手，又用bom bom stick打拍子唱着《男朋友》行近古仔，鏡頭拍到好憎唱歌的古仔表情非常無奈，但最後亦唱了幾句，其時畫面見到王梓軒舉高隻手，似想跟古仔擊掌，但古仔沒有反應，結果王梓軒只好尷尬放低手。
聲稱冇發生𤓓事
昨日王梓軒接受《蘋果》訪問，有指他當時欲跟古仔擊掌，但不得要領，他堅持只是角度問題，他說：「我睇到報道之後都覺得好好笑，其實當時大家拍緊拍子揮緊手，可能個角度似係我伸緊手畀古生，但本身係in general咁yo！」
王梓軒又指：「好開心嘅！嗰晚係真係好高興嘅，新一屆嘅演藝人協會無論會長定理事，我哋嘅士氣都好高昂，好多大嘅project想做。冇事嘅，我哋之間冇矛盾，之後我哋都同古天樂先生講咗唔好意思，無啦啦拉咗佢上台，其實佢事前係唔知道。當時佢喺隔籬房，但我哋一時興起，就搵咗佢，佢都好大方，肯上嚟同我哋玩。我哋度呢個表演嗰陣都係諗住唱畀佢聽，但真係估唔到佢會上台。」最後，他聲稱自己未有發生𤓓事。
採訪：唐琛悠