身形高大嘅民建聯區議員鄭泳舜勝出九西選舉，可能大家都知佢家底同外形一樣都唔差，貴為保良局前主席鄭錦鐘嘅公子，但佢最令人留意嘅背景查實係胡杏兒姐夫，但阿舜一直對此親密關係好低調，似乎唔想影響對方發展。《蘋果》噚日都有問胡杏兒點睇姐夫當選？佢以短訊回覆：「Thank You!」
其實阿舜2012年喺立法會九西選舉排喺民建聯團隊時，杏兒都有幫姐夫到深水埗拉票，網民當時卻唔多like，甚至揚言罷睇胡嘅劇集，杏兒姐夫則發聲明維護太太同杏兒，強調係佢請杏兒助選，純粹係撐屋企人，叫大家唔好再為難為同抹黑佢哋。
阿舜早前同謝霆鋒參與社區活動，八方噚日問過Chef Le Mon點睇阿舜當選，佢透過經理人回應：「霆鋒話嚟過《鋒味》嘅人都好旺、好紅喎。」