禮拜三（14日）谷草賽事用B跑道，睇番最近2月14日同一移欄賽事，內叠前置馬佔壓倒性優勢，第1至5檔共贏七W，而且分別有「友歡笑」、「競駿千里」、「英姿茂盛」及「實力飛駒」放頭帶到，具前速守好位之中內檔馬仍然要優先留意。今戰列陣馬中，第七場「實力飛駒」（蘇保羅馬房）上仗正是於2月14日谷B欄賽事放頭勝出，贏完等番同一欄位再跑，抽第6檔起步應夠快搶出貼欄，從而憑速度再下一城。另外，第五場「中華壹號」（容天鵬馬房）曾於谷B欄獲兩W，亦係全場唯一贏過此欄位之參戰馬，今次抽埋第1檔出閘，值得睇好。