韓國天團BIGBANG嘅29歲成員太陽，繼隊友T.O.P及G-DRAGON(GD)後，昨日成為第三位入伍嘅成員。太陽會先到江原道鐵原郡第6師團青星新兵教育隊報道，接受5周基礎訓練，之後接受青星部隊嘅內部調配繼續服役21個月，預計明年12月11號退伍。
太陽服役嘅青星部隊係成立最耐嘅韓國陸軍部隊，與GD所在嘅第3師團白骨部隊同樣位於江原道鐵原郡，係守衛南韓嘅最前線，所以青星部隊最主要嘅軍務就係防守軍事分界線。
而青星部隊與白骨部隊、第9師團白馬部隊以及第15師團勝利部隊係韓國陸軍最出名嘅部隊，同樣以訓練嚴苛出名，卻有韓國陸軍最強部隊之美譽。據悉人氣劇《鬼怪》男星孔劉2008年入伍於訓練所接受基礎訓練後，就被派到青星部隊服役。