3.11除咗補選，其實仲係民主黨立法會議員涂謹申55歲生日，而呢位壽星佬嘅慶生活動，有別於一般人，而係一大朝去到大圍，為前黨友、新界東補選候選人范國威打氣，壽星涂笑稱，佢支持嘅人一定唔會輸，因為「生日大晒」。
阿涂嚟到打氣會，點可以兩手空空？除咗送上壽星佬嘅生日祝福，更加同咖喱范高歌一曲。咖喱范大爆佢日前造勢時所唱嘅《勝利雙手創》，係十幾年前阿涂教佢，憶述當年佢哋去台灣觀察選舉，阿涂就帶領成個旅遊車嘅人學唱呢首歌。
講到興起，既然阿涂又在場，兩人即席高曲《勝利雙手創》。雖然過去比較少合作，但兩人都非常合拍（雖則唔知點解現場聽歌嘅民主黨立法會議員鄺俊宇，掩住嘴忍笑……）。