荷甲榜首燕豪芬，上周六作客威廉二世場聯賽輸0:5，呢個波膽足智彩開到900倍，冷到癲！燕豪芬家陣喺荷甲領放，今場作客弱隊威廉，邊個估到會咁輸先！賽前同降班區只差五分嘅威廉真係威盡！雖然呢場輸鑊甘，不過燕豪芬仲排榜首，但今輪前落後10分嘅阿積士仲有排追；至於威廉二世就續排喺15位，護級形勢都算唔錯。