於緊接的下周三（14日）快活谷賽事，葉楚航馬房3歲新西蘭自購馬「飛飛覺醒」將會在港作第一次上陣，角逐三班1000米賽，此駒由一批「老」馬主擁有，並非馬主年紀老，而係佢哋真係姓「老」。
「飛飛覺醒」馬主為「香港非想競馬團體」，成員當中經理人游紹賢的名字，相信大家都不會陌生，養過10捷良駒「星運爵士」，其餘團體成員有三位姓老，分別為老建邦、老凱麟及馬老建華，當中馬老建華女士更係警隊前高官，曾出任多區助理指揮官及指揮官、牌照部總督察及警察學院支援科警司等。
馬老建華從事警務工作三十年，現時搖身一變成為馬主，佢捉賊相信就好擅長，跑馬就唔知叻唔叻喇。
講番「飛飛覺醒」，曾在新西蘭出賽三次兩勝，贏1000及1100米，里程尚新有唔少進步空間，抵港後近日試閘走勢不過不失，屆時將配上李寶利執韁，即管看看能否為馬老建華能帶來驚喜了。