今次賽事(11日)莫雷拉停賽，原本看好潘頓可把握機會增添更多頭馬，在騎師龍虎榜逼近莫雷拉，但細看其坐騎只6駒，而且牌面一般，再加稍後要停賽，要追上莫雷拉有一定難度。
另一邊廂，田泰安可謂近期較靜局的騎師，記得季初他頻頻贏馬嗎？當時很多朋友會話今季他有力挑戰二哥地位，但實際上始終支持度不及莫雷拉和潘頓，現時有33場頭馬，已算有不錯的收穫。
最尾第十場三班1600米，先選擇田泰安策騎的「白鷺飛翔」，今季加眼罩後表現忠心準繩，5戰獲2冠2亞1季，而且部署得宜，上陣次數並不頻密，近期很多馬都出現疲態影響表現，反而「白鷺飛翔」復課繼續有進步，從不擔心體力問題。路程方面，「白鷺飛翔」前仗已挑戰過三班1600米，爆一段23秒16跑第二，今次預期正常步速，只要場地有得追，此駒必然是穩膽。
對手方面，「鑽飾飛龍」上仗初跑1600米有驚喜表現，極慢步速下亦追勢甚勁入Ｑ，年紀漸大早段落腳較慢，現時跑1600米是最好出路，呂健威近期旺勢停不了，配腳要拖。「首飾大帝」連拼幾場後體重仍保持，上仗入Ｑ末段連番內閃，修正再騎未能一氣呵成，今次外檔只屬邊線。「飛越峰」繼續輕磅，跑法主動亦要拖。