被阿爺DQ冇得喺香港做特首嘅梁振英,繼獲續任全國政協副主席,梁振英噚日喺fb發文,話前日出席咗呢次政協大會嘅首次發言會,席間有12位委員喺全體2,000多名委員面前發言,每人8分鐘,言簡意賅,大讚12位委員背景各有代表性,主題好多元。
讚政協委員講嘢有重點
講咗一大輪,689其後先講重點,佢讚發言者:「言中有物,負責任和有針對性地指出問題。」尖銳但唔偏激,且提出具體建議,繼而係重點,「沒有人做秀,沒有人聲嘶力竭,沒有人突出自我,沒有人譁眾取寵,沒有人青筋暴現,沒有人摔東西,沒有道具,更沒有肢體衝突」,然後就話,「哪種議政論政方式比較好,哪種抓到老鼠?全盤抄西方的就是好?大家說吧。」
估唔到北上之時都冷嘲熱諷民主派一番,敵我分明個性果然無變。