3.11補選就到，當日又有大批公務員要喺票站on duty。當局向立法會提交嘅文件顯示，原來2016年9月舉行嘅立法會換屆選舉，當局都請咗約兩萬名公務員，喺全港約600個票站當值，如果大家心水清，一定記得當晚全港唔少票站都喺投票結束前打蛇餅，結果投票到深宵先結束。到底最終有幾多人要OT？當局話約有1.9萬人要超時工作，每人平均超時約7粒鐘，即係最終超時數目約為13萬個鐘，令超時補水嘅人工最終高達2,600萬。
再數前一年、即2015年嘅區議會選舉，當局就話約1.5萬名公務員喺票站當值，當中亦有約1萬人要OT，總OT工時大概為1.6萬粒鐘，計番平均每人超時約1.6粒鐘，呢次OT補水涉及約300萬。