30歲前，你想做甚麼？29歲那年，郝孟青問自己：「沒條件辭職，如何才能不枉青春？」人生只讀過一間中學、一間大學，做過一份工，在大機構做屋宇裝備的他，兩年前以兩年為限，不辭職下計劃一個人分開17次旅行，走遍全日本：「唔算係好難實行嘅計劃，但我知我有勇氣，完成一個目標。」依舊日出而作，但找回真正想做的事，他說已是無價。
在網絡平台，郝孟青叫自己「青青」。他在fb開了名為「青青一個人制霸全日本47個都道府縣」的專頁，將過去兩年的日本所見所聞寫下，又為「絕景程度」打分，推薦冷門景點給網友。「制霸，係日本用語，完成目標嘅意思」。青青並非典型旅遊達人，未開展計劃前唯一的自由行是跟朋友去東京，行千篇一律的藥妝店，還有永遠行不完的日式百貨公司。「行程都係朋友安排，跟住行，唔使用腦」。
29歲那年，「第一次一個人日本，因為約唔到人，結果去咗大阪京都」。獨自上路初體驗：言語不通、上錯車，迷路，這個大學時代除了東京，只去過交流團和跟團去過台灣的乖乖仔，烏龍百出，卻發覺很享受一個人的旅行，「覺得好舒服好自在，想去邊就去邊」。
行出第一步，沒想像的難。翌年的復活節假期，他又一個人去了廣島，看了原爆遺址，將藥妝店剔出行程外，亦萌生展開深度遊的念頭，但他要養家也要養自己，沒條件瀟灑裸辭，反問自己：如何才能不枉青春？2001年港大工程系畢業後工作6年，在職期間完成碩士課程，30歲前的他大部份時間埋首讀書和工作，若追求穩定生活是人生唯一目標，他大抵完成，卻若有所失。
難忘北海道老夫婦義載
「身邊朋友，好多30歲前都做自己想做嘅事：開公司做老闆，有人喺表演事業上有成就……不論成敗，至少試過，覺得自己嘅人生好平淡，好想搵番嗰團火」。坐言起行，落實制霸計劃，正是他的起點。「真係攤開張地圖，對照公眾假期同自己嘅大假，睇吓點樣去，先可以去勻47個都道府縣」。
人生第一次走進有車迎面高速行駛的隧道、第一次為趕尾班車哀求職員優先上車，甚至第一次攔截順風車。「有次喺北海道，回程若徒步肯定趕唔切火車班次，拎住車票問路，有對日本老夫婦叫我上車，載我去車站」。只能用身體語言溝通，卻體驗到日本人的友善。兩年間17次旅程，最長9日、最短3日，頻密及有系統得連關員亦好奇向他查問。
目的地是港人最熟悉的日本，卻也是港人最陌生的山脈景色。他說：「所謂一個人制霸全日本47個都道府縣，唔算係一個好難實行嘅計劃，但我知我有勇氣，去完成一個目標，點都係小小嘅成就。」
■記者呂麗嬋
