今屆香港打吡大賽3月18日就上演，原本大家嘅焦點只集中喺「當家精選」、「星洲司令」及「時時精綵」三隻馬身上，點知中途殺出個程咬金，近三仗全勝的「平海福星」，原本一直冇話參加呢項大賽，但最後關頭練馬師蔡約翰決定俾「平海福星」加入跑打吡，睇嚟對手一定陣腳大亂。
「平海福星」另一個令對手巧驚驚嘅地方，就係蔡約翰已搵到綽號天下第一高手的英國騎師莫雅，來香港客串為「平海福星」跑打吡，戰鬥力肯定提高不少。
當然，「平海福星」唔係冇缺點，佢一直只贏開中短途的1400米，而打吡路程係2000米中長途，長力可以話冇根據，不過「平海福星」今朝(9日)出試快活谷1700米大閘，最後階段瘋狂練氣，結果沿途刻意跟放下，直路輕鬆透出取勝，似乎隻馬的氣量比想像中強。
晨操專家積奇亦說：「『平海福星』通常留後跑，但今課谷閘卻擺前走，沿途第二位，入到直路竟然貫注到底，贏來姿態輕鬆，看來牠的貫注力增強了，縱使角逐打吡初跑2000米，亦不可忽略。」