張繼聰、連詩雅、王宗堯、鄭欣宜、雨僑、何佩瑜（Jeana）及老闆蕭定一，昨日在金鐘出席點播平台hmvod一周年紀念活動，現場播出網劇《向西聞記》，之後舉行公司周年晚宴。
《向西聞記》第一個單元是由胡杏兒和張繼聰主演的《畜牲傳心師》，劇中張繼聰粗口橫飛，又有跟陳意嵐、甄穎珊的床戲，當中有借位扮口交的場口，張繼聰接受訪時自言拍床戲是新人一名，他笑言：「都係一個新嘗試，係一套好生活化嘅劇，又有好多廣東話助語詞，喺網上播可以更加貼地。性愛場面都係點到即止，其實呢啲喺美劇都好普遍箒。」
睇咀戲遮眼
張繼聰笑言要過多幾年才可讓囝囝看，太太謝安琪（Kay）事前知道更是表現大方：「之前有同佢提過有個劇本，佢就話『你都咁大個人，唔使講啦，唔使問我。』」不過他就不贊成太太拍同類戲：「可以拍動作戲，但唔可以愛情動作囉！有kiss戲我都會支持佢嘅，最多播嗰陣我遮住自己對眼唔睇囉！」
Jeana有份演出另一劇集《性敢中環》，她表示暫時不用性感，只是有很多醉酒戲，她說：「鍾意美劇《Sex and the City》（色慾都市），呢部可以用中環題材背景，終於有呢啲題材。我有問欣宜攞演唱會飛，不過佢話爆晒。」她自言有演唱會票都是自己看，沒有人追亦暫時不想拍拖，想處理好手上工作。
張智霖跌瘀
另外，張智霖目前休假，但都選擇留港，覺得在家千日好，他說：「香港好多地方都未去過，近日去滑板場陪仔，所以跌到個身瘀晒，不過我唔係老所以跌，係因為太高重心差。」
採訪：張俊銘
攝影：陳俊強