噚日香港開始氣溫急降，加埋落雨，真係喺街吹陣風都覺得凍，咁如果要喺北極跑馬拉松會點？富衛（FWD）連續第二年冠名贊助「富衛北極馬拉松」，來自亞洲六個地區共十位跑手勇闖「北緯89度冰極」。
富衛香港及澳門首席市務總監謝振國就話，活動好有挑戰性，亦配合品牌理念，非常鼓勵跑手挑戰自己。不過佢自己就無份去北極跑喇，雖然平時都有跑開10K、半馬咁，但坦言自己最鍾意嘅係踢波！
喺極地氣候跑馬拉松聽落都知唔簡單，三位嚟自香港嘅跑手，包括香港半馬拉松紀錄保持者紀嘉文、獲頒「再生勇士」殊榮的視障馬拉松紀錄保持者梁小偉，以及富衛香港代表植永強，平時訓練有素，不過都話唔會輕視，出發前會做足熱身、訓練肌耐力等。
其實FWD落足本，除咗每位運動員1.5萬歐元贊助費用外，仲會包埋機票及保險等費用。