前財經主播張敏華（Catherine）過檔花旗香港之後越升越高。近年花旗力攻高端客，Catherine剛剛就由零售銀行財富管理業務部，一躍去咗私人銀行湊大客，最新title係私人銀行亞太區投資策略師，會直接向私人銀行投資策略部亞太區主管彭程（Ken）滙報。
亞洲市場經濟實力雄厚，正正就係私人銀行瞄準嘅最大商機。大家都知主播出身嘅Catherine精通兩文三語，聞說花旗為Catherine新開設呢個職位，都係想借助佢流利嘅普通話同廣東話，加強銀行同不同夥伴合作，幫私銀客戶設計合適產品。
要做得私銀客，資產淨值都要超高，好似花旗咁，入場門檻要1,000萬美金。比對Catherine之前係零售銀行，就算係「Citigold」門檻都只係150萬港元，真係幾級跳。