3.11補選進入大直路，參加九西補選嘅姚松炎，佢嘅競選團隊經常搞搞新意思，攞住烏都語、印地語、尼泊爾語橫額以及一塊多種語言嘅意見板喺九龍西周街走，成功吸引唔同族裔街坊上前問佢哋搞緊乜東東？
姚教授嘅競選團隊話，大家唔好以為少數族裔只係等人教投咩票，對香港社會漠不關心，指雖然當中有人未投過票，但亦有人其實一早知道姚松炎係邊個，識講流利廣東話，過去已投過三、四次票。團隊仲話，今次拉票過程中學咗唔少嘢，包括有義工學識點用烏都語講「Please vote for Yiu Chung Yim」，亦發掘咗不同族裔開嘅小店，認為正正體驗咗姚教授由下而上推動不同可能性嘅理念喎。