修憲表決同補選投票，前者涉及13億、14億人口，關乎習近平未來稱帝嘅風光之途，後者則只在於三個地區同一個功能組別議席花落誰家，而立法會嘅勢力分佈實際大局已定，據聞36位港區人大代表3.11一致留守北京等住為修憲投票，唔會返港助選及投票。
港區人大代表、民建聯葉國謙話全體港區人大3.11留京，強調「（兩者）含金量完全係不能比較」，皆因憲法涉及成個國家嘅運作規範，補選投嗰票只不過係70分之一嘅席位！又咁講，佢哋嗰幾十票似乎唔會影響補選結果，但習大大嘅面子卻一點不能少，若然勞師動眾返港得個吉，畀人感覺都唔好。八方相信呢個留守決定，部份港區人大暗地開心到笑！