羅致光說要重新定義N無，嚟真的嗎？
習總稱帝事在必行，高度戒備任何形式的戊戌變天，個N字忽然成為大殺傷性敏感詞（CNN唔知點算），內地網民，被迫完全N消失。N屆永續，明明是大好事，幹兩次是不夠的啊，避孕套最真，明知習總想幹N乘N次，但偏偏不准提個N字。N無，就是無N化，十三億同胞除了一個習總，個個有份。茅波想補漏嗎？嘿咻，N個社會主義巨嬰等住你，敢走數的話，集體起立唱國歌唱衰你！
本港N無，最出名那位，肯定是潘鄭。她的無，有幾N？第一，無時間，太忙嘛。二，無留意獨立屋有個咁筍的僭建地牢。三，無睇清楚銀行按揭條文。四，無理淺水灣間豪宅有詳細列出的僭建物，照買。五，無諗過引咎下台。六，無需要答一地兩檢問題，因為陳帆搶答晒。柒，所謂品格審查，有等於無。
超越上述柒個N無者，是贏柒條街的羅范。嚟真的，如果311投票時票站做埋民調，俾尖酸刻薄的羅范幾多分呢，唔使伏筆，補漏盞搞，一於交叉佢！無分！食過689桃園飯局今天自恃有銀用的羅范，晚娘面陰陰嘴大挑釁：後生仔，少條毛就去擲磚，捱吓N年鐵窗滋味吧啦！