新界東民主派補選候選人范國威一直被指「人緣差、無朋友」、同民主黨有「牙齒印」，但補選已令佢同泛民大和解。有白鴿黨中人透露，對方參與初選拜會民主黨中委，至最近年宵喺白鴿黨攤位拉票，可見對方都喺補選伸出橄欖枝，白鴿黨都認為今次係破冰時機，已經邀請對方出席月底舉行嘅黨慶，實現泛民主派大團結。八方問過咖喱范，佢回覆話到時會出席，好咯好咯，大團圓結局咯！
外界一直擔心白鴿黨未必盡力幫咖喱范拉票，不過同咖喱范「牙齒印」最大嘅立法會議員林卓廷日前都出動幫手，可見民主派喺今次選舉放低個人榮辱，好大決心四席全保。