嘩嘩嘩，全城關注3.11投票後，立法會嘅新形勢分佈，點知喺有結果出爐前嘅投票日，立法會大樓已經有異象。
立法會秘書處噚日出通告，公佈當日一項臨時安排，當一眾候選人當日要勤加拉票衝刺之時，立法會大樓竟然冇得沖廁，係咪打壓選舉先，完全唔配合大氣候？對候選人嚟講，更加大吉利是！秘書處話喎，由於清洗廁所水缸，立法會大樓當日上午9點至傍晚6點會暫停沖廁水供應，屆時點算好？成個立法會大樓烏煙瘴氣，點可以迎接新議員？
大家又唔使擔心，點會冇Plan B應變？原來屆時立法會將關閉部份洗手間，並喺可使用嘅洗手間內放置水桶畀人沖廁。