日聯盃周三開打，其中C組名古屋鯨魚主場迎戰浦和紅鑽頗有看頭，今季回升日聯的鯨魚開「咧」兩連勝，反而傳統勁旅紅鑽則仍未打開勝門，故定急於求勝。由於兩隊戰意均高昂，一於取「入球大細」中位數[2.5/3球]的「大」。
鯨魚今季回升日聯後表現令人驚喜，於聯賽兩連勝，目前位居日聯榜首，周三首度在日聯盃亮相，當然望乘勝追擊。人腳方面，鯨魚今役雖有後衞新井一耀及前鋒松本孝平因傷缺陣，不過中場加比爾沙維亞腳風順，連續兩場入波，配合主力如前鋒祖奧及中場和泉龍司等，今役不難繼續取得入球。
反觀前日聯冠軍紅鑽，外界雖認為他們今季沒亞洲賽牽掛，可全力攻本土賽事，不過開「咧」至今表現卻令人失望，只取得一和一負，而上仗紅鑽迎廣島三箭，更在領先下反輸1:2，士氣或受影響。
不過，正由於仍未打開勝門，令以往在日聯盃多以二線兵迎敵的紅鑽，今役料未敢太弱陣，望可以勝利挽回面子兼提高士氣；因此，主力如前鋒武藤雄樹及老將阿部勇樹等，料今役都會披甲，再配合前鋒李忠誠及中場柏木陽介等，料有力與鯨魚一戰。
畢竟，紅鑽近六次與鯨魚交手，有五次總入球在三球或以上，加上兩隊今役都有戰意，入球不難開「大」，1.78倍可以一博。
文：吾中