英超阿仙奴尋日又輸一場，領隊雲格落台嘅呼聲越嚟越大。而「wenger out」亦唔再只係英國本土，喺阿仙奴嘅比賽會嗌。甚至睇緊其他運動、出去示威抗議，甚至睇演唱會都見到有人舉起「wenger out」，認真誇張。
最近喺一場南非打嘅板球賽，直播鏡頭就拍到一位身穿阿仙奴球衣嘅男子，舉起「wenger out」。最搞笑嘅係，係呢位阿迷嘅旁邊，就有一位小利迷舉住「wenger in」，叫雲格留隊，相信都係其餘19支英超球隊球迷嘅心聲。
當然，呢次又點會係首宗外地發現「wenger out」呢，喺twitter早就有叫個「wenger out sign」嘅account，專門收集世界各地唔同人喺唔同場合舉起嘅「wenger out」。事後發現，不論喺中東黎巴嫩示威、抑或喺沙地阿拉伯睇籃球、或者喺澳洲睇欖球，更甚喺新加坡睇coldplay演唱會，「wenger out」都無處不在。全球都一齊反永續雲爺爺，唔知雲爺爺又收唔收到大家嘅心意呢？