政界唔少人因應民意而轉軚撐派錢，一早表明唔贊成全民派錢嘅會計界立法會議員梁繼昌（Kenneth）堅持企硬。Kenneth話預算案出爐後，唔少會計界選民不滿當中嘅無厘頭政策，如全民免費考DSE、向海洋公園泵水三億等，但冇乜選民鬧佢唔支持派錢，而佢亦冇諗過改變立場。
佢認為大家現時應宏觀啲咁睇份預算案，認為政府目前最重要係定出政策指標，講清楚究竟用咁多錢投資創科，會達到乜嘢經濟效益，同時亦應考慮延長學生貸款讀書嘅還款期，以及增加在職人士嘅交通津貼等。佢仲建議未來河套區發展要以香港模式主導，包括採用香港管理、運作同法律，發展先會事半功倍。
為咗反映對預算案嘅意見，佢會再約財爺會面，下月4日首度喺娥特任內飯敍時亦會表達預算案意見。