多得選管會主席馮驊，唔少港區人大代表今年兩會面對兩難，皆因立法會補選3月11日投票，作為愛國愛港人士，當然要投票支持建制派候選人，奈何投票撞正憲法修正草案要進行表決，港區人大代表都好頭痕，除非識分身術箒，否則好難京、港兩邊走？
好似實政圓桌田北辰咁吖，佢噚日被問及3.11會唔會返港投票時直言面對兩難局面，要睇吓可唔可以請假返港，雖然好似未有取態，但佢表明會以「一國」行先，似乎已有所暗示。
據知草案係喺3.11下午3點表決，唔知會唔會有代表早一日返港，周日朝早投完票即刻飛返北京，兩張票都不能少呢？