巴黎聖日耳門球星尼馬因為蹠骨斷裂，日前已經返到巴西準備接受手術。當地傳媒喺上周五就追蹤到尼馬同女友已經進入位於巴西美景市嘅聖母醫院，相信佢呢一兩日內就會接受手術。傳媒估計尼馬手術後將會有一段時間留喺巴西養傷。而據英國《每日郵報》指尼馬將會入住一間位於里約熱內盧嘅高級度假村，入面有齊泳池、網球場、健身室同高級餐廳，相信呢位巴西國腳可以舒舒服服咁養傷喇。