90後馬珈珈當了紋身師4年多，她直言沒有提供洗紋身服務，「嗰個人係一生一世都望到呢個圖案，紋身唔單止係裝飾，而係為每個人提供一啲energy」，她希望透過紋身幫客人走出心結，提供更積極的能量。
馬珈珈過去的客人大多都是女性，而大多數的女客人都為伴侶紋身。「男人紋身通常原因比較直接，例如鍾意行山，就紋個喜馬拉雅山，但女仔故事通常都出自一些較感性的經歷，影響佢哋內心情緒嘅事」，對伴侶的感恩、傷痛，都是驅使她們紋身的原因。
「通常都係聽完佢哋講完故事，我再用圖像轉化個意念出來，如果係一啲傷感故事，我希望可以幫到佢哋overcome，走過嗰段艱苦歲月，變成積極嘅提醒，日後嘅人生可以過得好好可以愛自己，再真實地去愛對方」。馬珈珈說自己談不上心理輔導，只是覺得「與其留下一個傷感嘅烙印，不如盡我自己能力，去為對方設計有positive energy嘅紋身，呢個係我嘅信念」。
在眾多故事當中，令馬珈珈印象深刻的，是一位女性主義者，她深信女性應愛自己身體的全部，「佢曾經好唔喜歡自己嘅下體，所以喺下陰位置紋一個point out finger」，希望提醒自己要自愛。她說紋身的過程中並沒有絲毫尷尬，「紋身背後意義比較重大」，應視之為一件藝術品。
情侶紋婚戒 許諾終身
紋身亦代表兩人的愛與承諾。嘉穎和Wilfred都是從事藝術工作，她是舞者，他是劇場導演，因舞蹈邂逅，情定於電影，兩人決定結婚，簽結婚證書與紋身一樣，落筆便回不了頭，以紋身代替戒指，將來若要擺脫已婚身份，就非除下一隻戒指般簡單。
「講到一生一世，無論結婚好紋身好，總有啲人會有恐懼」，但對Wilfred來說，承諾之重在於承擔，「人無法掌控未來，所以我決定咗就唔會畏懼」，嘉穎亦非典型港女，「我對鑽石冇乜感覺」，所以她主動提議紋婚戒，「我對呢段關係有信心㗎……（但如果真係咁唔好彩？）我諗得好開嘅，就算將來分開咗，都唔會話見到個紋身好眼冤，反而係個回憶，係我嘅成長階段」。
■記者梁銘恩