每逢新年，飛達帽業（1100）副主席顏寶鈴（顏太）都會請一班傳媒朋友聚一聚，但係今年就咁啱撞正失聲，原來就係一粒「金嗓子」累事。顏太同華華呻：「呢排屋企三個男人都病，我都無事，但係今次我俾人害！有人送咗粒不知名嘅金嗓子，即刻出事！」
不過呢次病倒，佢都有個新體會，指政府最急需改善醫療政策，好似佢早幾日睇醫生，排私家都要排兩個鐘，公立醫院就更加唔在講。
過兩日顏太就要到北京出席兩會，佢話去到十幾日唔可以出街，要留喺酒店食同樣嘅嘢，叫外賣都唔可以。顏太細仔顏肇翰（Alex）就同媽咪推薦網上熱賣嘅懶人火鍋，話又熱又好食，唔使成日帶杯麵。
李華華