禮拜六（3日）田草十場賽事用C跑道作賽，睇番最近2月4日同一移欄賽事，內叠優勢仍大，一至四檔共贏5Win，跑法上後追唔算蝕底，逾半頭馬屬居中後上勝出。
如「驫驫」（何良馬房）、「智愛」（蘇保羅馬房）及「常拼常勝」（苗禮德馬房）都係早段留守內叠慳位留力，入直路憑後勁衝贏，靠後勁食糊之中內檔馬不妨優先留意。
今戰列陣馬中，第三場蔡約翰馬房「平海福星」近兩仗均在C欄1400米勝出，贏完再等番同一移欄上陣，決心爭取三連勝。
另外，尾場廐侶「估惑」兩次跑田C欄非冠即亞，反而在其他移欄未贏過，重返強項可望回復表現。