【偽女團4月出道】LGBT半男女偶像 重口味硬銷可愛

【偽女團4月出道】
LGBT半男女偶像 重口味硬銷可愛

日本藝能界無奇不有,最近大型Stardust事務所宣佈將有一隊LGBT組合加入樂壇,安排在4月4日推出「處女」單曲正式出道,事務所已為佢哋開官方網誌,單睇上載照片及宣傳照已夠晒重口味。

呢隊集LGBT與偶像於一身嘅組合名叫「秘密的半男女」,由三名偽娘Idol組成,當中隊長natsuki已經30歲,前日佢率領隊友穿上彩虹歌衫現身位於東京嘅秋葉原ZEST開騷,並公開唱出以不倫作為主題嘅出道單曲《純eye Peoole》,三人更定下目標,望處女碟能夠賣出1千張,仲話要挑戰同門女子組合桃色幸運草Z。