財爺陳茂波喺財政預算案再一次提到支援香港電競（eSport）發展，香港首隻電競概念股Razer（1337、雷蛇）當然要出聲喇。
創辦人陳民亮（Min）繼上一次喺Twitter回應新加坡總理李顯龍嘅年度施政，今次就喺facebook表示支持香港政府喺預算案支援本地電競發展。
Min順便讚自己，指公司喺電競未成形之前就落力支持電競，近年又贊助唔少本地電競賽事同選手，例如舊年「超人」李嘉誠旗下基金會主辦《香港競XP》同埋英皇主辦嘅《英皇電競菁英盃2017》等等。
仲講到將來希望與唔同嘅持份者合作，共同發展香港電競市場，做晒財爺嘅啦啦隊。
李華華