【本報訊】反法輪功婦人誣蔑學生偷竊，自小居港的印度漢Jacky眼見學生蒙冤受屈，挺身而出向婦人質問︰「佢偷咩嘢？」並拍片存證，初時婦人堅稱「偷嘢」，但被Jacky指摘後即改口「佢整爛嘢」，被Jacky大罵無理取鬧，欺負小朋友。
大媽：我係中國人 喺度100年
51歲的Jacky，指摘該名大媽亂擺易拉架已是不對：「你知唔知（你）冇權擺（易拉架）喺度㗎？」但大媽竟反駁：「我鍾意擺就擺囉！」Jacky直斥：「畀你哋啲大陸人落嚟，搞到香港邋遢！」婦人更怒火中燒：「你係咩人呀？」
Jacky回應：「我喺度50年喇！」婦人激動稱：「我喺度100年喇！你……你咩人呀？我係真正中國人！你係中國人咩？我係中國人嚟！」Jacky冷靜回應︰「我係香港人。」其後大媽歪理不敵眾人圍攻，終消失於人群中。
Jacky昨日向《蘋果》表示，他於1970年3歲時便隨父母來港，在主流學校讀書至中五畢業，85年跟隨父親在重慶大廈從事貿易生意，其後經營二手回收生意，與妻兒居住八鄉錦田，平時朝九晚六在大南街一帶擺檔，事發剛好目擊事件，因不值該婦人所為才替學生辯白。
對於被婦人指「唔係中國人」，Jacky稱香港是種族融和的社會，與中國、尼泊爾、非洲及印度均是稱兄道弟，亦視香港為自己的家，他表示希望今次事件能影響香港人︰「我哋今日幫到人，人哋下次會幫到其他人！」
■記者姜偉康