香港工業總會主席郭振華噚日聯同其他5位副主席同傳媒舉行新年聚餐，其中一位副主席係李嘉誠外甥、有「磅王」之稱嘅查毅超。
喺工總負責推動創新科技嘅查毅超話，對於今日公佈嘅財政預算案「有好高期望」，大讚「今屆政府係open」，指之前同政府創新科技署、財政司司長交流過，覺得同對方可以傾到偈，相信佢哋聽完工總意見後，會諗諗點做，又話認同工總主席指，投資未來重要過派錢。
問到有冇同誠哥傾過點睇份預算案？查毅超只笑住話：「等（工總）主席帶領啦！但今年係興奮㗎，今屆政府係open㗎！」言下之意係咪上屆梁振英政府唔夠open？