【本報訊】月薪車長大聯盟（大聯盟）日前發起罷駛抗議調整薪酬架構方案，獲資方承認的左右派工會昨狠批罷駛行動，工聯會屬下汽車交通運輸業總工會（汽總）九巴分會副主任黎兆聰強調工會理性，「唔會學似啲白癡，按章工作、一人罷工」。右派工會九巴職工總會（巴總）理事長黃醒祥批評罷駛「騎劫公司，有少少似佔中」。大聯盟召集人葉蔚琳稱對兩人言論無意見，「各為其主，希望佢哋可以好好咁為員工謀取福利，勿忘初心」。
記者︰鄧力行
大埔九巴翻車慘劇後，九巴成立調查委員會，汽總昨與委員會見面。汽總九巴分會副主任黎兆聰表示，工會就安全性、管理和薪酬提出訴求，包括新入職車長底薪應加至1.9萬元，惟黎引述高層稱若額外再拿出這筆錢，公司或會出現虧蝕，未有正面回應。黎說會繼續提出，希望拉近雙方距離。被問到若公司未能滿足要求會有何行動，黎說：「我哋工會好有實力，70周年老字號品牌，唔係咁輕易嗌罷工。」
九巴日前宣佈的改革車長底薪計算方案，將勤工獎、安全獎都撥入車長底薪，新入職車長月薪起薪點將增至15,365元；月薪車長每小時補水由70.9元增至96元。汽總第一副主席張子琦批評有人誤導優化方案是加薪方案，故工會未有參與罷工，「我覺得啲人黑白不分，想搞工業行動嚟攞名聲，攞入場券同資方對話」。
葉蔚琳︰各為其主
另一親資方工會巴總理事長黃醒祥狠批罷駛行動「騎劫公司，有少少似佔中」。黃醒祥昨晨接受電台訪問，指葉蔚琳聲稱其組織有過千會員，可考慮加入其工會參選，「我哋工會2,000人，佢揸住1,000人支持，理事長都有得做，到時佢就可以大條道理代表工會發聲」。
葉蔚琳稱對批評無意見，「各為其主，希望佢哋可以好好咁為員工謀取福利，勿忘初心」。
有工會中人分析，大聯盟與資方「埋到枱有偈傾」，相信兩個老牌親資方工會或憂慮若大聯盟爭取到談判權，工會恐失勢，於是高調做大龍鳳發聲。