據《天空體育》噚日講，英超賽會、英格蘭足總同埋英格蘭聯賽賽會三方達成協議，19-20球季英超將會引入13日嘅禮拜歇冬期！呢13日唔係好似一般情況咁停晒所有波，而係將一輪嘅10場比賽分一半。
第一個周末踢五場，下個周末踢埋其他五場，之後回復正常，咁樣20隊都有最少13日唔使出賽嘅日子。之前踢德甲一向有歇冬、喺一月轉投阿仙奴嘅奧巴美揚（Auba）都好開心，雖然槍手周日英聯盃決賽吞曼城三蛋，但Auba星期一晚就被影到佢揸住部土豪金Range Rover同女友去倫敦一間高級餐廳（圖），Auba仲着到全身閃令令好似出騷咁！