馬匹神高神大，小朋友想騎馬唔係咁容易，但馬會就喺復活節安排咗啲小馬畀小朋友合照同策騎，亦幫父母畀機會小朋友喺長假期放吓電。馬會呢個同心同步同樂日3月30日至4月1日喺沙田馬場及彭福公園舉辦。
其中喺同策駿馬園，有專人示範馬術場地障礙賽、越野賽、盛裝舞步，仲有雪特蘭小馬畀遊人合照，而小朋友仲可以一嚐策騎小馬滋味，只要購票入場就可以參加抽獎，獲取「小馬策騎券」。門票3月1日上午10點起發售，每張60蚊，包括遊戲券5張，每名持票者可帶一名未滿3歲小童免費入場。
由於今年主題係「同樂齊學 共踏前步」，寓教育於娛樂，所以亦新設飛翔教室，喺彭福公園設立有創新教育模式嘅戶外教室。詳情可瀏覽 http://www.hkjc.com/rht。