上周六澳職上演火爆大戰，由墨爾本勝利主場迎戰阿德萊德聯，阿聯有新兵卡禾斯域下半場初段領紅，少踢一人下，被勝利大炒3:0。
上周中被上海上港大炒4:1嘅勝利，今場踢得比較主動，22分鐘，貝利沙接應隊友頭鎚二傳射入，但之後發現省中阿聯後衞泰萊列根而入，最後改判為烏龍波。七分鐘後，利萊佐治射入靚罰球，為主隊領先到兩球。兩軍其後踢來相當火爆，下半場阿聯調入前鋒卡禾斯域，打算加強攻力，但上陣僅10分鐘，就因為掌摑勝利後Z衞拉斯威廉斯，被球證直接趕離場。勝利因此控制局勢，再喺59分鐘，憑前鋒貝利沙射入今季第八球，最終以3:0擊敗阿聯，超越對方升上第四。