熱刺近日推出咗一款名為《白鹿徑的英雄們》嘅限量版油畫（圖），以球會歷史上最出色嘅11位球員，當中包括大家熟識嘅真路拿、哈利卡尼同加里夫巴利，仲有先後以球員同領隊身份效力熱剌35年嘅名宿比爾尼古臣為主角，加埋一眾球星嘅親筆簽名，放喺屋企大廳就啱晒！熱刺仲會用油畫所得嘅收入捐贈到旗下嘅慈善基金，幫助有需要嘅退役球員，堅有意義！不過大家想買呢幅油畫嘅話都唔容易，事關熱刺日前已將有關產品放咗上eBay拍賣，家吓叫價已經超過6,500鎊（約七萬港元），你捨唔捨得先？