日聯前冠軍浦和紅鑽今季叠埋心水攻聯賽，預計能回復王者本色，周六日聯首輪作客FC東京時，當然希望可以攞頭威；既然紅鑽人腳勝東京，往績亦「食住」對手，無懼要讓半/一，照捧上盤。（球賽編號：星期六1；有線148台今日1:00pm直播）
紅鑽上季火力集中在亞冠盃身上，雖然順利捧盃，但顧此失彼，在日聯卻錄得自2012年以來最差的第七位，但正因如此，今季球隊不用踢亞洲賽，可以專心聯賽，料能重拾霸氣。雖然紅鑽在休季期間有前鋒拿費爾達施華、中場那須大亮及石原直樹等離隊，而球隊只補入了柏雷素爾補前鋒武富孝介及橫濱水手翼鋒昆頓馬天奴斯，實力似乎有所削弱；不過，紅鑽勝在本身人腳好，主力如興梠慎三、柏木陽介及慎野智章等全部在陣，有力爭取佳績。今訪東京時，紅鑽更加可以夫添，絕對無懼作客讓波。
東京往績靠唔住
FC東京近年都沒有一位教練能長期執教，換教練如走馬燈般，而今季的新教頭就是紅褲子出身的前大阪飛腳教練長谷川健太。雖然東京有前鋒大久保嘉人離隊，但球隊已火速獲柏雷素爾射手迪亞高奧利華拉來投，但縱然如此，東京的整體實力仍在紅鑽之下，就算有「足球小將」久保建英或會披甲，但缺中場平川怜，而且近四次迎紅鑽全部落敗，今役受讓也不值博。
文：吾中